觀塘開源道48號威利廣場地下G02號舖
$250 一個人
所謂架任食semi buffet, 直頭搵笨
呢個騙局我要比大家知
好明顯其他食評係打手寫多
我食完打文睇返見讚好的都是沒身份只出過一篇食評
眼睛雪亮的自行判斷,要請打手的下三流餐廳
食物質素同數量方面都難以想像之差
我真係唔想有人見到d假食評去了先知中招
每人一客湯, 原本湯都是要配給
間野一入去, 嘩,咁細間??點可能有buffet
原來所有食物放在一張只有半張大單人床架桌上
要知道木台咁細, 可放的食物有極有限
初時入門見不到有buffet木台
是因為比食客圍住了, 而地方又淺窄
格局似樓上cafe, 估主要比人包場開party
但座位好迫似茶記
先說是任食生蠔oyster
原來一次一人只限取3隻
仲要即開!!等一轉已用了20mins之多
開完一盤(其實一盤只夠10人份量)
又要等廚房洗完先再有, 又要多等10分鐘
如果你唔好彩掛到尾轉,前後要30 mins先拿到3隻
但個buffet只有2小時時間
我唔食生蠔都算,但朋友說南非生蠔好鹹
還有size勁細
這是我排了20分鐘幫友人拿來的生蠔
semi buffet 架重點是頭盤甜點任食
但大家估一估有什麼吃
salad 得生菜同幾盤salad
而甜品連蛋糕都沒有
只有budding同jelly 2款~
而個燉蛋是沒有甜味, 淡到唔知怎形容
食物拿完根本沒有refill過
隻pama ham 只是裝飾做戲用
不是即切, 也沒看過有人切
上面是不知名的肉片........
只有十來片,被人拿完也沒有refill過
被拿光後, 整個buffet時間也是空著
到個主菜 3選1, 不吃牛羊的我叫了魚
只是龍利柳, 一入口鹹死
我只吃了兩口就不能迫自己再食了
看圖我食餘超多,我一向提倡不浪費食物
但味道真的抱歉, 我要向條龍利說對不起
因弄出來的真是有夠難食同鹹
叫了肉扒的友人也說牛扒很不濟
薄薄一片又乾又硬, 他們都食了一半就停手停口了半自助餐都可以食不飽
因為食物太難食, 選擇少
叫得做semi buffet, 要考慮下場地
仲有食物數量先好做啦
上面的圖, 是我把它們所有供應的食物全拿回來拍
真是得那麼多沒額外
花了錢去感受比難民食得更差的semi buffet
看了宣傳單, 沒有人會白痴用200元去吃吧
沒有留言:
張貼留言