香雞滾滾＠陸陸 66 hot pot

香雞滾滾＠陸陸 66 hot pot

尖沙咀柯士甸道124號地下D舖

 

混醬來了，有xo 醬、麻醬，沙嗲醬、生蒜蓉碎、蔥花、辣椒碎同豉油。仲有滾前生果送。

個麻辣雞煲選用了三皇雞，先經煎封到7成熟，上時再加入洋蔥香菜再加熱5分鐘就食得•從窩邊傳出陣陣香味令人食指大動，聞到都餓腸轆轆了。雞煲叫了小辣，想應中辣會更好 ，麻味隔一陣才發出來，舌頭久久不散。雖然比較油但雞很入味很想找碗白飯配著吃。

吃完雞就加湯打邊爐了，加湯唔係加清水而是同味的湯，貫徹始終不會把味道沖淡，由頭打到尾都是濃郁的滋味，打邊爐配料吸了湯底味已夠，不用再沾醬料都滋味滿分。店主堅持不加味精，食完回家不會有後遺症，不覺得口渴狂灌水。



人多叫了兩個湯底，另外一窩打邊爐湯底是蕃茄薯仔牛腩。好似羅宋湯mix 阿媽的蕃茄薯仔湯。未開始先盛一碗飲，只用鮮蕃茄熬煮的湯，住家感又無味精，甜上心坎。

陸陸手切肥牛及頂級肩胛肥牛，我不食牛肉，見到脂肪的紋很美都無緣享受。


花雕醉雞翼，用酒同薑片先醃了，把雞翼骨反出， 吃起來更有儀態同便利。肉質嫩滑，不過麻辣湯把酒味都蓋過了。

有生蠔，不過當日d 蠔偏腥•肥美的連殼蜆肉，用麻辣湯燙熟後如街頭辣炒蜆的風味。

百花釀油條，油炸鬼切開一半再在中間釀入了墨魚滑， 預先炸熟了因此只要滾一下就食得，油炸鬼豪不油膩脆卜卜似食緊薯片，吸了湯與食材的精華•湯中沉3，40秒左右好起撈，雖貴了少少但值得一試。

有桂花及珊瑚蚌 ，不過我無食（手慢食唔到），好搶手被人吃光光，我估係好食的，仲有魚肉蟹柳棒。


陸陸6寶丸(蝦丸、墨丸、龍蝦丸、貢丸、牛丸及炙燒芝心丸) ，三心兩意就叫，每款淺嚐。邊爐推介手打墨丸及手打墨魚滑，黑色是加入了墨汁手打成的，一黑一白相映成趣，中間仲有碎的墨魚肉，彈滑推薦。

竹笙皇吸了湯、及陸陸鮮菜籃。蔬菜盤都擺得井井有理，成條西芹的東西是窩筍，菜莖，青綠爽脆

收結有日本稻庭烏冬，大食皇哈夠飽，食個麵就捧著肚子離開。

食完仲有粒迷你綠茶口味雪糕糯米滋，又有支裝涼茶order，飲多啖免得第二日熱氣喉嚨痛。